Элӗк районӗнчи Ураскилтри пӗр кушак урнӑ чирпе чирленине тупса палӑртнӑ. Ҫавӑ Республикӑн ветеринари лабораторийӗнче тӗрӗсленӗ хыҫҫӑн палӑрнӑ.
Кушак чирлине пӗлнӗ хыҫҫӑн вырӑнта карантин тесе республика Элтеперӗн хушӑвӗпех йышӑннӑ. Хушу ӑна пӑрахӑҫличченех вӑйра пулӗ.
Элӗк округӗнчи ҫамрӑк фермер тата блогер Кирилл Степанов РФ Ял хуҫалӑх министерстви йӗркеленӗ «МедиаПоле» наци премийӗн ҫӗнтерӳҫи пулса 1 млн тенке тивӗҫнӗ.
Палӑртмалла: финала 79 регионтан пурӗ 1500 ытла заявка килнӗ. Кирилл Степанов тусӗпе Максим Соколовпа пуҫарнӑ «Айда по деревням» туризм маршручӗ жюри пайташӗсене тыткӑнланӑ. Ҫӗнсе илнӗ 1 млн тенкӗпе вӗсем туристсене ҫӗр каҫмалли условисем туса парасшӑн.
«Айда по деревням» проект питӗ интереслӗ. Вӑл хӑнасене чӑваш ялӗсемпе паллаштарма пулӑшать. Унта хутшӑнакансем фермӑсене кайса кураҫҫӗ, наци апат-ҫимӗҫне тутанса пӑхаҫҫӗ.
Чӑваш Енри ҫамрӑксен «Айда по деревням» проекчӗ «Сноб» журнал премине тивӗҫнӗ.
Проекта Элӗк округӗнчи ҫамрӑк фермер тата блогер Кирилл Степанов Максим Соколов таврапӗлӳҫӗ пӗрле хатӗрленӗ. Ку проект вырӑнти ҫынсене тата хӑнасене Чӑваш Енри ялсемпе паллашма май парать. Маршутсем 4-5 ҫухрӑм кӑна тӑсӑлаҫҫӗ, анчах мӗн чухлӗ кӑмӑл-туйӑм парнелеҫҫӗ. Хӑмла уйӗсемпе, Емельян Пугачев, Пушкинӑн тусӗ Иван Пущин пулнӑ вырӑнсемпе, экзотика чӗрчунӗсен фермисемпе паллашма питӗ кӑсӑклӑ-ҫке-ха!
Элӗк вӑтам шкулӗнче «Аслӑ Ҫӗнтерӳшӗн» ятпа сӑвӑ вулакансен конкурсӗ иртнӗ. Кун пирки Алина Петрова чӑваш чӗлхи учителӗ халӑх тетелӗнчи хӑйӗн страницинче пӗлтернӗ.
Конкурса кӑҫал Тӑван ҫӗршывӑн Аслӑ вӑрҫинче ҫӗнтерӳ тунӑранпа 80 ҫул ҫитнине халалланӑ. Пултарулӑх ӑмӑртӑвне Элӗк тӑрӑхӗнчи шкулсенчи 5-11-мӗш класс вӗренекенсем хутшӑннӑ.
Унта Чӑваш Сурӑмӗнчи Елена Григорьевӑна (6-мӗш класс), Семен Семенова (10-мӗш класс), Олеся Данилова (11-мӗш класс) хӑйсен ӳсӗмӗсенчи сӑвӑ вулакансем хушшинче 1-мӗш вырӑнсене тивӗҫнӗ, ҫӗнтерӳҫӗсем пулса тӑнӑ.
Кӑҫал Элӗк округӗнчи ҫамрӑк фермер, блогер Кирилл Степанов тата «Чӑваш Енри мӗнпур ял» проект авторӗ Максим Соколов «Айда по деревням» (чӑв. «Атя ялсем тӑрӑх») пӗрлехи проект пуҫарнӑ. Халӗ лайӑх хыпар ҫитнӗ: вӗсен ӗҫӗ Пӗтӗм Раҫҫейри «Раҫҫейре тунӑ» премин шорт-листне кӗнӗ.
Ку – хӑйне евӗр интереслӗ проект: унта хутшӑнакансем Чӑваш Енри хитре вырӑнсемпе, ялти пурнӑҫпа ҫывӑхрах паллашаҫҫӗ, вырӑнти чӑвашсен апат-ҫимӗҫне тутанса кураҫҫӗ, экзотика чӗрчунӗсен фермине кайса кураҫҫӗ. Ку кӑна мар, сыр та пӗҫерме вӗренеҫҫӗ.
Пирӗн ентешсен проекчӗшӗн ҫакӑнта сасӑлама пулать: vk.cc/cR0V3j.
Тӑван ҫӗршывӑн Аслӑ вӑрҫинче Ржев ҫывӑхӗнче пуҫ хунӑ Николай Андреевич Харитоновӑн ӳчӗ тинех канлӗх тупнӑ. Ӑна Элӗк округӗнчи Шӗмшеш ялӗнчи масар ҫине пытарнӑ. Ҫапла, салтак тӑван тӑрӑхне 83 ҫултан таврӑннӑ.
Вӑрҫа тухса кайнӑ чухне Николай Андреевичӑн килте мӑшӑрӗ юлнӑ. Фронта кайиччен вӑл колхозра ӗҫленӗ. Унӑн ӳтне 83 ҫултан шыравҫӑсем тупнӑ.
Салтак ӳтне пытарнӑ чухне шкул ачи Семен Семенов паттӑра асӑнса сӑвӑ вуланӑ.
Паян, юпа уйӑхӗн 16-мӗшӗнче, Элӗк тӑрӑхӗнчи Эхремкассинчи культура ҫуртӗнче Владимир Терентьева (Тӑвӑл) асра тытса пуҫтарӑннӑ.
Владимир Терентьев поэт 1960 ҫулхи чюпа уйӑхӗн 16-мӗшӗнче Элӗк районӗнчи Качалов ялӗнче ҫуралнӑ. Кӑҫалхи утӑ уйӑхӗн 20-мӗшӗнче пурнӑҫран уйрӑлса кайнӑ.
Вӑл — 2012 ҫултанпа Раҫҫейри писательсен союзӗн членӗ, 2019 ҫултанпа — Чӑваш Енри профессионал писательсен пӗрлӗхӗн пайташӗ.
Шупашкарта пурӑнакан, Элӗк районӗнче ҫуралнӑ, кӑҫалхи ҫу уйӑхӗнче 100 ҫул тултарнӑ Агриппина Янович вӑрҫӑ ветеранӗ ҫинчен ӳкернӗ фильм «Небесный град и земное Отчество – 2025» пӗтӗм Раҫҫейри фестивальте лауреат ятне тивӗҫнӗ.
Фестиваль Можайск хулинче иртнӗ, конкурса 132 кинолента тӑратнӑ. Михаил Ножкин поэт ертсе пыракан тӳресем 22 ӗҫе финал валли суйласа илнӗ.
«Через века – помните. Откровения участника ВОВ А.А. Янович» документлӑ фильм лауреат пулса тӑнӑ, ӑна ҫутӗҫ киновӗ категорире палӑртнӑ. Кинолента режиссёрӗ — Марина Янова.
Фильма Чӑваш Енӗн Наци телекуравӗ юпа уйӑхӗн 11-мӗшӗнче 17 сехетре кӑтартӗ.
Ӗнер, авӑн уйӑхӗн 18-мӗшӗнче, кӑнтӑрла, Элӗк районӗнчи Тавӑт ялӗнче пӗрисен пӳртӗнче пушар тухнӑ.
Колхоз урамӗнчи ҫуртри пушара сӳнтерме 7 специалистпа 2 техника пырса ҫитнӗ. Хӗрлӗ автана лӑплантарнӑ хыҫҫӑн 37 ҫулти арҫын виллине тупнӑ.
Инкек вырӑнне вырӑнти районӑн прокурорӗ те пырса ҫитнӗ. Специалистсем малтанласа палӑртнӑ тӑрӑх, пӳрте ятарласа чӗртсе янине асӑрхаман.
Арҫын пирус туртнӑ чухне асӑрханман тесе шухӑшлаҫҫӗ.
Элӗк тӑрӑхӗнчи пӗр ялта пурӑнакан 24 ҫулти каччӑна 15 ҫул таран тӗрмене хупма пултарӗҫ.
Каччӑ кӑҫалхи ҫӗртме уйӑхӗн 21-мӗшӗнче Элӗкри культурӑпа кану паркӗнче виҫӗ яша наркотик сутнӑ. Халӗ ҫав пӑтӑрмахпа ҫыхӑннӑ пуҫиле ӗҫе тӗпчесе пӗтерсе суда ярса панӑ.
Наркотик туяннишӗн, упранишӗн 15 ҫул таран хупма пултараҫҫӗ.
+11.3 °C